Mizoram News

NLUP hmalak chhunzawmna tur chungchang ngaihtuah

Mizoram sawrkar flagship programme NLUP kalpui zel dan tur chungchangah Pu JH Roṭhuama, Chairman NLUP Implementing Board hovin nimin khan NLUP line department hotu te chu NIB conference hall-ah an thu khawm.

NLUP a hlawhtlin zawkna turin beneficiary te trade thlan enfiah a, a hlawhtlin theih dan tur ang bera compact area-a hmalak tum a ni a. Beneficiary hna thawk thalo te chu department ten lo enfiah a, a tul anga paih ngaite paih turin NIB Chairman chuan official te a hriattir a ni.

Pu Roṭhuama chuan tun hnaiah Kolasib leh Mamit district a NLUP beneficiary te hmalakna a hmunah a enfiah thu sawiin district dangte pawh tlawh chhuah vek a tum tih meeting ah hian a sawi a. Line department te chu NLUP hlawhtlinna tura theihtawp chhuah chunzawm turin a chah bawk.

NIB Vice Chairman Pu PL Thanga pawhin NLUP kalpui zel dan tur leh sum mamawh te ruahman dan tur chipchiar taka sawifiahin EXIT Protocol hmanga hmalak chhunzawm dan tur ah line department te chu a rang thei anga hma lo la turin a chah bawk.

Kut hnathawktu ten a hun takah thlai chi tha an hmun theih nan leh, ranvulhtu te tan vawk note leh Bawng pek dan turah a mawh phurtu department te chu a rang lama ruahmanna siam turin hriattir an ni bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram