Zothlifim Logo
Loading ...
Mizoram NewsMizoram News

Rangvamual leh Phun-chawng then thianghlim hna thawka duty ṭhin, Aizawl khaw-pui chhunga YMA branch 92 te chu hnuhkir an ni dawn a, an aiawh turin Central YMA hnuaia din Flying Squard te an duty ṭhin dawn a ni.

Hemi chungchangah hian Zirtawpni zan khan Aizawl khawpui chhunga YMA Branch hrang hrang 92-a Office Bearers te chu Tuikhuahtlanga Central YMA Office-ah kohkhawm an ni a, an thutlukna siam angin YMA Branch hrang hrang mite a inchhawka duty tir ṭhin chu Flying Squad hian a thlak tawh dawn a ni. Flying Squad duty tur te mamawh lei nan hian khawpui chhung YMA Branch hrang hrangte chuan ₹1,000/- ṭheuh tawh se an ti bawk a ni.

Heng khuaah te hian MLA bial hrang hrang awm dan anga a inchhawk a duty dan tur te pawh sawiho a nih bakah Police leh Excise Department te chu Outpost hawng turin ngen ni se, an ti bawk a ni.

He inkhawmah hian Hlamzuih chungchang pawh sawi chhuah nawn leh a ni a, YMA dan hman lai, ‘Chhiatni |hatni inkaihhruai dan’ ennawn tum mek a nih avangin Hlamzuih chungchangah hian YMA chu a kaldan pangngaiin a la kal zel a ni tih Central YMA hruaitute chuan Branch hrang hrang hruaitute an hrilh a ni. He inrawnkhawmna inkhawm hi Central YMA President Pu Lalbiakzualan akaihruai a YMA Branch hrang hrang hruaitu mi 250 vel an tel a ni.