Rate sânga Cement lei lo turin ngên

Mizoram Cement Zuar Association chuan thuchhuah siamin, Mizoram bika Cement man a sân chhoh avangin Cement man (rate) hmanlai baka sângin mipuiten Cement lei tawh rih lo turin an ngen.

January ni 10 khan Mizoram bikah Cement Bag khatah `30/- in a man tihsan a ni a, hemi hnu lawk January ni 20 khan `20/- in tihsan chhoh leh a ni a. Hetiang a nih avang hian Cement bag khat chu kumin January thlatir lam aiin, `50/- laia toin hralh a ni ta tih sawiin, hei hi Mizote hmusitna leh zahlohnaah Mizoram Cement zuartute chuan an ngai tih an thu-chhuahah hian an tarlang a ni.

Hemi chungchangah hian Cement zuartuten Cement man toa lo la lo tur leh mipui hnena hralh lo turin an inngen a, mipui lam pawhin Cement hi January ni 10 hma lama rate ang lo chuan lo lei lo turin an ngen nghal bawk. A ṭul a nih chuan Mizoram chhunga Cement zuartu te chuan dawr khâr thlenga Mizoram bika Cement man tihto chu dodal an inhuam tih an sawi bawk.