Sangau Block Youth Organisation (SBYO) General Headquarters chuan Mizoram Rural Development Department Calendar siamtharah Sangau Tanky thlalak diklo tarlan a nih avangin an duh lohzia lantirin nimin zing khan he Calendar hi Sangau-II Vengthar Bazar ah an hâl.
Mizoram Rural Development-in MGNREGA 2014 Calendar an siamah hian Mizoram hmung hrang hranga Rural development department hmanga Sawrkar hmalakna thlalak te tarlan an ni a, October thla phekah thlalak diklo tak tarlangin Sawrkar sum hmanga hnathawhte zingah Sangau mimal Sangha dil chu ‘Sangau Tanky’ tia tarlangin, hei Pu Saprothanga Sangau-IV Sangha dil a ni a, he Sangha dilah hian Rural Development Department sum cheng khat mah a lut lo a ni, an ti.
Sawrkar hmalakna leh mipuite hamṭhatna tur hetianga diklo taka report siam a kum 2014 Calendar hial a an tarlang hi, mipuite dawt hmanga inbumna leh Mizoram mipuite zahlohna tawpkhawk ah an ngai tih an sawi a, he thil an duh lohzia lantir nan Calendar hi an hâl ta niin an sawi.