Kawlphetha MW 60 pe chhuak tur Tuirial Hydro-Electric Power Plant siamtu NEEPCO hotute chuan kum 2015 chhunga peihfel hman an beisei thu an sawi.
Nimin khan Tuirial HEP hi Aizawla thutharlakhawmtu ṭhenkhat ten a hmunah tlawhin, NEEPCO hotute an kawm a, Assam lama Natachera leh Bagha bawr kawngpui chhe lutuk chu fûr hmaa siam thuai a nih loh chuan an hna a tih ṭhuanawp dawn ngei tih an sawi a, Chief Minister-in Assam sawrkarah kawng siam thuai tura ngentir turin thutharlakhawmtute hi an chah a ni.
Thulakna tarlan danin Tuirial HEP cheng vaibelchhe 913 leh nuai 60 senga siam mek hi tun dinhmunah Tui lak penna pahnih chu zawh thawkhat a ni tawh a, kawlphetha siam chhuahna tur Power House pawh sak mek niin, tui paih chhuahna pawh siam mek ani bawk a ni