Aizawl Municipal Council chuan Tuiriala bawlhhlawh paihna, Dumping Ground-a hman turin bawlhhlawh nawrkhawmna khawl, Back Hoe Loader pakhat leh Japan thiamna hmanga bawlhhlawh halralna, Incinerator pakhat lei remtih a ni a, heng hmanraw pahnihte hi cheng nuai 47 vel man tur ni a rin a ni.
Hemi chungchanga thutlukna hi zirtawpni kalta a AMC session chuan a siama, he session hi an Chairman Pu CT Zakhuma’n a kaihruai a ni.
He sessionah hian 2014-2015 atan AMC Account Committee member 5 awmna din a nia, chuath chuan member turte chu Pi Zamanthangi, MNF, Pu PC Lalruatsanga, MPC, Pu C. Lalsawivunga, MPC, Pi Lalchhuanmawii, ZNP leh Pu Lalrimawia, ZNP te an ni a, heng mite hian an Chairman tur an la ruat dawn a ni. Hemi bakah hian Landslide Policy Committee pawh din remtih a ni a, he Committee hian leimin thei tur te enfiahin, a ven dan tur a ruahman dawn a ni.
Hualngohmuna a ram, kawngpui aṭanga hla vaklo biga 52-vela zau chu bawlhhlawh paih nan ram neitu Pu Lalṭanpuia Varte chuan Damping Ground siam nan Aizawl Municipal Council pek a remti a, hei hi he sessionah hian sawiho a ni a, lawm takin AMC chuan a pawm a, lawmthusawi nan an chhungkua a mi pakhat MR-a rawih a remti a ni. He sessionah hian AMC Display of Advertisement and Hording Regulation-2013 a rate chu state dang khawpui te tih dan ang mil turin a siam ṭha nghal bawk a ni.