Lok Sabha leh 28 Hrangturzo Assembly bial Bye-Election atana hman tur, EVM te endik thawh khatna chu nimin khan Serchhip District Bawrhsap office-a Conference Hall-ah neih a ni a, Bharat Electronics Ltd. atanga engineer pahnih lokal ten an endik a ni.
EVM khawlte hi endik an nih rual hian thlan bik awm lovin khawl duh duh hmang hian Political Party hrang hrang atanga aiawh lokal ten election official-te kaihhruainain vote thlak chhinna an nei nghal vek a, heng khawl endik tawhte hi uluk taka kalh thain venhimna tha tak nen Strong room-ah dah fel nghal vek an ni.
Serchhip District chhungah hian Polling Station 77 a awm a, heng atana hman tur khawl, EVM leh VVPAT te hi an lo thleng kim vek tawh a ni.