Lunglei-ah MNF-in lungawi lohna lantir

Lunglei MNF Sub.Hqrs chuan Lungrang ‘S’ khuaa VC Member 5 awmah Member 3 in MNF an zawm hnuah, tun thleng a MNF VC form na tur tihfel a ni lo nia sawiin MNF Sub-Hqrs Lunglei chuan he thil hi Democracy pawng-sualah an ngai tih an sawi a, an lungawilohna lantir nan hian nimin khan Lunglei DLAO Office kawtah an pungkhawm a, resolution siamin tun thla chhung ngeiin Lungrang ‘S’ VC a Member tam zawk te chu thuneihna pek ngeini se an ti a, an thil phut a hlawhtlin loh chuan a ṭul anga hmalak an tum tih an sawi a ni.

Hemi chungchanga zawhna chhangin LAD Minister Pu PC Lalthanliana chuan, Lungrang ‘S’-ah Village Council chu an mumal lo hle a, thiah mai theih dinhmunah a ding tih a sawi a, VC inthlanah Congress party-in Village Council a siam aṭanga thla khat hnuah executive body siam danglam an duh thu an sawi a, an insiam ṭha a, chumi hnu thla khat hnu lawkah tih danglam an duh thu an sawi leh a, hetianga village council body ngelnghet lo inthlak zut awm reng chu a thlangtlingtu mipui pawhan zahawm an tihsak a, Lushai District Council inkaihhruaina dan angin hetiang chu ṭhiah theih a ni tih hriattir an ni a, chumi hnuah Mizoram inthlanpui puan a nih leh tak avangin engmah ti zui thei lovin an awm ta tih a sawi a, ṭhiah theih mai an nih thu hrilhin showcause notice pawh pek an nih hnuah Lungrang VCP chuan an inrem thu a thlen leh bawk a, hetianga mipui thlantlin an nih ang pawha kal tha thei lo chu dan anga an chunga rorelna theih a nih a sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram