Tunlai a ruihhlo damdawi chhuak thar Metamfetamine chu khawchhak lam aṭangin Europe leh Arab ram velah te nasa taka thehdarh a ni a, hemi kalkawng atan hian Mizoram chu ruihhlo tawlh ṭhin ten an hmang nasa hle nia thudawn a ni.
Excise & Narcotics department thawktute chuan tunhnai-ah heng damdawite hi Aizawlah engemaw zat man ni mahse Mizo ṭhalaite zing-ah ti an la awmlo nia an hriat thu an sawi a. Arab ram leh Europe ah te a market a ṭhat avangin a kal-kawng atan Mizoram chu an hmang ṭhin a, heng te hi an lo man mai ṭhin niin an sawi bawk.
Excise thawktute chuan metamfetamine siamna atana hman ṭhin Pseudoephedrine chu Mizoram kaltlangin khawchhak lamah an tawlh tawh meuh lo niin an sawi bawk a. Hei hi a chhan chu demand a sân tawhloh bakah Manipur kaltlanga engemaw zat tawlh chhoh a nih ṭhin vang niin an sawi bawk. Metamfe-tamine kawl leh zawrh hi a case a lian hle a, tlemte kawl pawh thla 6 chhung lungin tan leh ₹10,000 thleng chawitir theih a ni a. A tam tham deuh phei chu kum 10-20 thleng lungin tan bakah cheng nuai 2 thleng chawitira hrem theih a ni.
-zalen.co.in