State Level Health Training of RBSK Mobile Health team ṭan

March ni 24 atanga April ni 4, 2014 inkar chhunga neih tur State Level Health Training of RBSK Mobile Health team chu nimin khan Health Department Conference Hall, Dinthar Aizawl-ah neih ṭan niin he hun hi Dr. K.Ropari, Director Health Service in a hman pui.

He Training Programme-ah hian Dr. K. Ropari, Director chuan kalkhawm te lawmna thu sawiin Dr. Lalthlengliani, chuan RSBK kalphung tarlanna hun a hmang a. Dr. Gordon Zohmingthanga MD, National Health Mission-in Keynote address sawiin an ni bakah hian mithiam hrang hrang ten zirtirna hun an pe bawk a ni.

Rashtriya Bal Swasthya Karyakram (RBSK) hi February 2013, atang khan ram pum huapa hman tan a ni a,He programme hi Central Sorkarin India ram a nausen, naupang leh tleirawl te hriselna chawisan nan a programme a rawn duan chhuah a ni a. India ram hrang hrangah nasa taka hma lak mek niin tunah hian Central sorkar pawhin a ngai pawimawh em em a ni. He programme in a tum ber chu Child Health Screening and Early Intervention Services a ni a, hetah hian nausen, naupang leh tleirawl te hriselna endik a, harsatna an neih te a rang thei ang bera hmuhchhuah leh enkawl a ni a, enkawlna bik mamawh te chu he programme in a bik a a din, District Early Intervention Centre a refer te hi a nih bakah, nausen pianghlim atanga kum 18 inkar te an ni a. Heng target group te zingah hian 4 Ds kan tih mai- Defects at Birth, Diseases, Deficiencies and Development Delays including Disability kan tih ho te hmuhchhuah a ni bawk.

He Programme hi April ni 4 thlengin duanlawk a ni a. Programme kal lai ang in hun hman chhoh zel a ni ang.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram