Zoram Ni hmang leh dawn

Mizo Zirlai pawl chuan kum 2008 aṭanga alo hman ṭan tawh, Zoram Ni tia an vuah chu vawiin hian an hmang leh dawn.

MZP chuan March ni 5, 1966-a India Sawrkarin a ramchhung mite chunga vawiin thlenga ala tih ngai loh a Jet Fighter hmanga Mizoram vawi tam tak a bomb champha “ZORAM NI” tia an vuah chu vawiin chawhma dar 11 hian I&PR Auditorium ah hman a ni leh dawn tih an sawi a, kumin hian nikum lama kan lo hman tawh dan angin he huna hian Pu Lalhruaitluanga Chawngte leh Pu Proffesor JV. Hluna ten paper an present anga, an paper hi sawihona hun hman a ni dawn tih an sawi.

MZP chuan March ni 5, 1966 a Mizote tawrhna zawng zawng khan ram leh hnam tana inpekna thar leh hnam hmangaihna rilru min puttir se, Mizo leh Mizo inkara inhriatthiam lohna tam tak awm tawhte theihnghilh a, Zofate inpumkhatna Ni atan ‘Zoram Ni’ tia hman hi a buatsaihtute duh dan a ni, an ti a, he ni hi kan hliam hluite thawi dama a awmna ni, tlukna ata tho va rilru thar nen Zoram tan Zofate ke penchhuahna ni atan hmang theuh turin MZP chuan a duh tih an sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram