Mizoram News

Fu ching hlawhtling te hmalakna en

Nimin khan Agriculture Director Dr.C.Lalzarliana leh a hote chuan Lungleng khuaa NLUP hnuaia Fu ching hlawhtlingte hmalak dan enin an Fu chinna hmun an fangkual.

Lungleng khua hian hun rei tawh tak atang khan Fu hlawh-tling takin an ching thin a, Aizawl khawpui Kurtai supply tu ber an ni thin a ni. Lungleng North bikah hian tunah chhung-kaw 158 awmin chhungkaw 80-90 bawr velin Fu an ching a, NLUP hnuaiah chhungkaw 65 bawr velin Fu chin an hlawhtlinpui hle a ni. Lungleng-I ah pawh chhung-kaw 164 atangin chhungkaw 60 bawr velin Fu an ching a, tin, NLUP hnuaiah chhungkaw 44 laiin Fu an hlawhtlinpui hle a ni.

Tuna NLUP hnuaia Fu chingtute zingah hian Fu chhuan 130-140 thar thei \ha-hnem tak an awm a, Kurtai 63 qtls. chuang kum 1 a thar thei an awm nual tawh a ni. Fu ching hlawhtling te Fu huan Agriculture Director hian a hmunah a tlawhkual a, Fu chingtuten hian Agriculture Director hnenah an mamawhte an lo thlen a, Director chuan a theih anga \anpui zel a a tum thu a hrilh a Hemi ni vek chawhnu lamah Lungleng Community Hall ah Farmers Meet neih nghal a ni a, Fu atang hian Chini (Brown Sugar) siamna tur khawl Agriculture Department in ngaihtuah a tum dan Director hian a sawi bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram