Zothlifim Logo
Loading ...

Pu K.Chhawnṭhuama’n Phantom tih hmingpu a sms hmanga CM thu a thawn thubuai chu Court-in ngaihtuah zel tlakah a ngai a. Court chuan thla thar ni 26 hian FIR thehluttu, Pu Lal Thanhawla chu thu a zawt fiah ve dawn a ni.

lal-thanhawla_2Nikum 2013 December thla-a Pu K.Chhawn-ṭhuama’n Phantom tih hming lem hmanga Pu Lal Thanhawla thu a thawn thubuai hi tun thla ni 15 khan 1st Class Magistrate, Laldinpuia Tlau Court-ah ngaihtuah zel tlak a ni em tih ngaihtuah a nih hnuah niminpiah khan court chuan ngaih-tuah zel turin a ti a, mahse Pu K.Chhawnthuama man a nih hmasak zawka Court-in bail-a a chhuah-na, a hnu-a an man leh avanga he bail cancel tura sorkar ukil-ten an ngenna chu Court hian a hnawl a. SMS hmanga thu thawn chungchangah hian police lam chuan Pu K.Chhawnṭhuama hi thubuai 4 an siamsak a, thil tihsual hre sa renga evidence tichhia-a an puhna chu Court-in a hnawl a, mi dang tihthaih leh mi vau thubuai an siamsak pawh hnawlin evidence tihchhiat emaw, thuhruk emaw thubuai, IPC 204-na chu ngaihtuah zel tlakah a ngai a, IT Act bawhchhiaa puhna, mi dang tihthaih leh vau-a puhna pawh ngaihtuah zel tlakah a ngai bawk.