Wine Vendor-te hnena permit pek chungchang END-in sawifiah

Wine Vendor-te hnena permit pek theih loh chungchangah Excise & Narcotics Department chuan thuchhuah siamin a sawifiah.

Excise & Narcotics Department-in thuchhuah a siamah chuan Wine Vendor permit an pek te zing aṭangin kuminah Permit/Challan siam tum an tlem hle tih an sawi a, Mizoram pumah tun hnai hian vendor 6 chiahin permit/challan an siam a, Aizawl bikah chuan Vendor 29 aṭangin 17 chiahin kumin (2014) hian an license an renew tih an sawi.

Vendor te hnen atanga permit/challan siam dilna a awm miau loh chuan Excise & Narcotics Department hian an hnenah a pe ngawt thei lo tih sawiin, Vendor-te hnen aṭanga hriat dan chuan wine demand hi a hniamin a hralh pawh a kal ta lo deuhvin kumin January thlaa wine an lak pawh hralh zawh lohvin an la dahṭha nual niin an tarlang a, Vendor-te hnen aṭanga Permit/Challan siam dilna lo lut ang ang chu Excise & Narcotics Department hian a pe nghal zel a, hetianga Winery leh Wine Vendor-te Department-in a ngaihthah deuh niawma thuthang awm chu Excise & Narcotics Department chuan pawi a ti hle tih sawiin, Winery leh Vendor-te hmakhua chu a ngai pawimawh hle zawk a, hemi kawnga thuchiang hre duh chuan Department hotute zawhfiah phawt zel nise tih chu Department duhdan a ni tih an sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram