Mizoram News

Central YMA-in Borapansury-II-a MZP hmalakna an thlâwp

Central YMA chuan tun-hnai-a Borapansury-II hmuna thil thleng chungchangah MZP hmalakna an thlawp thu an puang.

Central YMA thuneitu sang CEC nimina ṭhukhawm chuan Boranpansury a thil thleng chungchang hi an sawi a. Chak-ma te’n Mizoram chhung ngei a chibil anga hmun hma an hauh bik chu thil ṭha nia an hriat loh thu leh MZP dodal tute chu CYMA chuan a dem thu a sawi a ni. He mi chungchangah hian Sub-Headquarters YMA te nen a sawiho turin Joint Meeting neih an tum thu an sawi bawk.

ZNP ṭhalai pawhin Mizo-ram sawrkarin Borapansury-a MZP tana Food, Civil Supply & Consumer Affairs Department ram an sahthlaka MZP in Zofate chawlhbuk sak an tum leh an signboard tar vanga Chakma Autonomous District Council by-election boycott a ni chu an ngaihthiamloh thu an sawi a, Chakmate chu ramdangmi nia puhin Mizoram hmun hrang hranga hmun an neih theih laia anmahniho tamna biala midangte an ngai theilo chu diklo an tih thu na takin an tarlang a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram