Himachal Pradesh-ah zirlai 24 tuiah tla hlum niin hria

Himachal Pradesh, Mandi khaw bul Beas luiah Hyderabad-a Engineering College pakhat zirlai 24 leh an zin khawthawnnaa anmahni hruaitu mi 1 an tlahlum nia hriat a ni.

Zirlaite hi mipa 18 leh hmeichhia 6 an ni a, an college-a an zirlaipuite nen excursion-a kal an ni a, nizan hmasa zan rei tawh takah khan heng zirlaite zawn hna leh chhanchhuah hna hi thawh ṭan a ni a, mahse he thu buatsaih lai thleng hian chhanchhuah emaw ruang hmuh emaw a la awm lo, a ni.

Union Home Minister Rajnath Singh chuan twitter-a h heng zirlai vanduaite hi a lainat takzet thu sawiin, Home Ministry chu chhiatna thlenna hmuna National Disaster Respond Force Team hnih tir nghal tura a hrilh thu a sawi a ni.

Human Resource Development Minister Smriti Irani-i pawhin he thil thleng pawi a tihzia sawiin, Himachal Pradesh sorka r chu puih a ṭulna apianga pui turin sawrkar laipui a inpeih reng thu a sawi a ni.

Chhiattawkte hi VNR Vignana Jyothi Institute of Engineering & Technology, Hyderabad zirlai 60 zinga mite an ni a, Beas lui kama thla an lak laiin lui hnar lama Hydel Project siamna ata na tuikhuah an sah avanga tuilian thutin a la a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram