India News

Ramchhunga retheihna umbo tum a ni:President

President Pranab Mukherjee chuan sawrkarin ram chhunga retheihna umbo a tum tih a sawi.

Parliament In 2 nimina ṭhukhawm ho hma ah thu sawiin President chuan, hmasawnna lanna hmasa ber chu mirethei dinhmun ah anih avangin ram chhung a retheihna umbo hi sawrkar tan a chona pui ber ani, a ti a. Sawrkar thar ngaihpawimawh tur te sawiin ei le h bar thil manto khuahkhirh chu ngaihpawimawh ber a ni ang, a ti.

President chuan Panchayati Raj institution thuneihna pek a chumi kaltlang a thingtlang mipui nunphug tih ṭhat a nih tur thu leh ram chhung economy ti tha tur a hmalakna hrang hrang neih a nih tur thu sawiin mipui hriselna lam a hmalakna tur Health Policy thar te siam a ni dawn tih a sawi bawk.

China leh Japan te telin South Asia ram bial te hmasawn nan leh hamṭhat nan a ṭhenawm ram te nen muan awm tak a
inkungkaihna ṭha neih tura India in hmalak a tum thu leh United States nen inkungkaihna tih ngheh zual a tum thu a sawi bawk.

CPIM chuan President thusawi chu BJP Manifesto a ni tih an sawi a, nimin khan N.Delhi ah thuthar lakhawmtu te bia in an party hruaitu Sitaram Yechuri chuan sawrkar chu an Programme tamtak puangin thawh tum a nih dan erawh a tel lova, hun bi tiam nei engmah a sawi bawk lo ani, a ti.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram