Mizoram Baptist Kohhran chuan Mizo hnam dana hlamzuiha thite vuina chu Kohhran programme-a hman tur a nih thu an puang.
Baptist Church of Mizoram General Secretary Rev. H. Lianngaia chuan thuchhuah siamin Mizo Customary Law leh Mizo Society-in Hlamzuiha a dahte hi mihring pangngai an nih bakah Kohhran mite chhungkaw member an ni, chuvangin anmahni thlahna Programme pawh Kohhran Programme-a hman tur a ni, a ti.
Amaherawh chu nausen an thihin Mitthi dar vuak a ni lo ang a, mahse, Kohhran mite inpunkhawm dan tur leh vui hun chu chhungkua leh khawtlang hotute inbiak rem dan anga siam a ni ang a, a vuinaah Bialtu Pastor-in hun hmangin thlamuanna thuchah a sawi ang a, bialtu Pastor a remchan loh chuan Bialtu Upa emaw Rawngbawltu emawin a vui dawn niin a sawi a, a phumna hmun, thlanmualah pawh ţawngţai tur inruat tur niin a sawi bawk.