Estimate Committee-in Multi- Modal kawng zawh chhuak

Thawhlehni khan Mizoram Legislative Assembly Estimate Committee member 4 te chuan an Chairman Pu Lalrinliana Sailo hovin Kaladan Multi Modal Transit Transport Project Road laih mek chu Lawngtlai a\anga Burma ramri thlengin an zawh chhuak.

Look East Policy hlawhtlinna tura kawng pawimawh ber tia chhal ngam he kawng, Multi Modal Road tia hriat lar hi Lawngtlai AOC venga Mizofed Petrol Pump bul a\anga in\anin Mizoram khaw tawp ber Zochachhuah khua thlengin tunah hian laih zawh tawh a ni a, hna thawktute hi RDS Ltd. leh ARSS Company te niin chan an insem a ni. Zochachhuah a\ang hian Burma ramchhungah pawh kawng hi laih chhunzawm zel tur a la ni a, chu erawh chu Burma sawrkar nena thawk hova laih tur a ni thung a ni.

kawngEstimate Committee Chairman Pu Lalrinliana Sailo chuan Multi Modal Road laih mek chu tha thawkhat hle a a hriat thu sawiin he kawng hi kan ram chak lakna pui ber a nih thuai dawn avangin sawrkar in a ngaipawimawh em em a, thawktute lakah pawh beiseina sang tak neiin a fet hle a ni, a ti. Tuna harsatna Contractor an tawh tam takte hi sawrkarin chak taka hma a lakpui theih nan theihtawp chhuah zel a ni ang, a ti bawk.

Mizoram chhunga he kawng sei zawng hi tunah km 95 vel a ni a, a thawktute hian kawng kual leh siamrem mai theih lai tesiam rem a nih hnu chuan km 90 velah a tlak thlak theih an beisei thu Estimate Committee hi an lo hrilh a, hetihlai hian zângnadawmna lâk tum an tam lutuk avanga luhai thlak an tih thu an lo hrilh bawk.

He kawng hi laih zawh a nih hunah chuan Burma ramchhunga Sittwe lawng chawlhna chu awlsam taka tlan thlen theih a ni tawh dawn a, Sittwe lawng chawlhna a\ang hian Kolkata khawpui chu tuipuiah Km 560 chauh niin hei hian nasa takin awlsamna min thlen thei tura beisei a ni.

Niminpiaha Estimate Committee kal te hi Chairman Pu Lalrinliana Sailo bakah member Pu Vanlalzawma te, Pu R. Vanlalvena te leh Dr. Ngurdingliana te an ni a, Pu T. Sangkunga erawh chu damlohna avangin a rawn tel theilo thung a ni. Kawng laih mek an tlawh naah hian PWD Multi Modal Division hotuten an \awiawm a ni.

Estimate Committee te hian tukin nimin khan Lawngtlai Circuit House ah Multi Modal kawng laih mek a thil pawimawh hrang hrang te sawihona leh inrawnkhawmna hun an nei leh a, he hunah hian Lawngtlai bawrhsap Pu J.Hmingthanmawia bakah LADC a EM leh Officer engemawzat an tel a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram