MZP Headquarters Lunglei-ten niminpiaha Lunglei khawpui chhunga hnam dang Inner Line Permit (ILP) nei lo leh thi tawh mi 108 an hmuhchhuahte chu Magistrate Pi Grace L. Bawihtlung chuan nimin khan Police Station-ah Camp Court neihsakin an chungthu a ngaihtuah.ILP hmang dik lote chu `500/- chawi tur leh ni 7 chhunga an ILP siam \ha vek turin a hriattir a, kum tling lo mante pawh ni 7 chhunga ILP siam tur leh an siam thei lo a nih chuan Mizoram chhuahsan turin a hriattir a. ILP nei lo leh thi tawhte chu `500/- chawia thawnkir turin an chungthu a rel a, heng ILP nei lo leh thi tawhte hi Lunglei DC leh Police Department te hmalaknain nimin chawhnu khan an khaw lamah thawn haw nghal an ni.
NGO-te leh Police-ten ILP nei lo an dap reng chung pawha mi 108 zet ILP nei lo leh hmang dik lo man chhuah tur an la awm chu Mizote mawhphurhna liau liau a ni tih hria a, hnathawk tura vai chhawr kawngah tun aia fimkhur zawk leh Danin a phut ang ngeia hnam dang sponsor \hin turin MZP chuan mipui a ngen a, ILP neilo leh hmang dik lote a dapchhuah avanga ram lei lungfate zingah harsatna tawk an awm a nih chuan MZP Hqrs Lu nglei chuan an hriatthiamna a ngen tak meuh tih an sawi bawk.