1st Indo-Bangla Border Meeting nei

India leh Bangladesh inlaichinna tha lehzual a awm theihna tura ram pahnih inbiakna kalzelah nimin khan Mamit DC Conference Hall-ah 1st Indo-Bangla Border Meeting neih a ni.
Inbiakna hi India leh Bangladesh ramri hrula Distri ct Magistrate te leh Superintendent of Police te bakah official pawimawh dang ten an nei a ni.

Nimin Meeting-ah hian ramri hung hna te bakah ralthuam leh damdawi tawlhruk, dan lova ramri kân, ram pahnih insumdawn tawnna tur leh inlaichinna ṭha zawk a awm theih nana thil pawimawh hrang hrang te bakah inbiakpawh tawnna ṭha a awm theih nana hmalak dan tur te sawiho a ni a. Meeting neih leh hunah chuan Mizoram ri tu Bang-ladesh district pakhat Khakrasuri district koh tel nise tiin an rel bawk.

Mizoram sector aiawh hian Mizoram district a Bangladesh ramritu District 3 – Mamit District, Lunglei District leh Lawngtlai District aṭangin DC, SP leh Home Deptt. aṭangin Addl Secy. leh OSD, Jt. Director, Trade & Commerce Deptt, Jt. Director (Survey) Land Revenue & Settlement Deptt., Commandant, Sector Hqrs BSF, RO, CADC leh SIB(aiawh) Lunglei te an tel a. Bangladesh aṭangin district 2 – Bandarban Hill District leh Rangamati Hill District aṭangin District Magistrate te, SP, Director, 53 Border Guard Battalion, Ruma, Bandarban Hill District, Addl. District Magistrate, Bandarban Hill District, Director, 25 Border Guard Battalion, Addl DC (Revenue), Rangamati Hill District, Assist. Director Department of Narcotics Control Bandarban Hill District, Asst Surveyor Officer, DGLR te an tel a ni. Heng mi te bakah hian officials pawimawh dangte an tel bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram