Mizoram News

February thla ral hmaa VC inthlanna nei turin ruahman

Saiha leh Lawngtlai District tih loh, Mizorama Dist. dang 6-a VC thlanna, February thla ral hmaa nei hman turin State Election Commission chuan VC Electoral Roll ennawn dan tur a ruahman.

He thut khawmna neih hi Mizoram State Election Commissioner, Pi L.Tochhawng-i’n a kaihruai a,  Assembly Electoral roll atanga VC electoral roll siam chhuahna atana VC inthlan dan siam\hat tawh chu hmang-in Aizawl, Mamit, Kolasib, Champhai, Serchhip leh Lunglei District-a VC electoral roll ennawn-na, summary revision neih dan tur ruahman fel a ni a, chumi ang chuan tun thla ni 31-ah Draft Roll atana hman tur Assembly Electoral Roll chu tarchhuah a ni ang a, hemi ni a\anga February ni 4 thleng sawisel tur neite tan hun hawn a ni ang a, sawiselna leh chinfel ngai an dawnte chu February ni 5–7 inkarah chin fel a ni ang a, February ni 9–14 inkarah Electoral Roll thar chu siam leh chhut chhuah a ni ang a, Electoral Roll thar, inthlannaa hman theih tur chu February ni 16-ah peih fel a ni ang. District 6-a VC term ding lai hi February thlaa tawp tur a nih avangin a tawp hmaa inthlanna buatsaih hman tum a ni a, District 6-ah hian tunah hian VC 508 an awm a, inthlan buatsaih hunah chuan VC 30 dang siam belh remtih a nih avangin VC 538-ah inthlan buatsaih a ni dawn a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram