Fûr lo thleng turah buhfai \hahnem tawk tak chhêkkhawl

Rajya Sabha MP, Mizoram State Consultative Committee on FCI Chairman ni bawk Pu Ronald Sapa Tlau chuan, Hmarchhak bial Mega block neih mek leh fur lo thleng turah Mizoramah buhfai \hahnem tawk tak chhekkhawl a ni a ti.

Nimina Mizoram State Consultative Committee on FCI \hutkhawm hnuah Chairman Pu Ronald sapa chuan thuthar lakhawmtute kawmin, FCI chuan theihtawp chhuaha state sawrkar nen \angduna buhfai chhek khawl hna an thawh dun avangin MT 25,490 dah theihna tura ngaiah kumin January ni 1 thleng khan MT 25,939 chhekkhawl a ni a ti a, an dinhmun chu thlamuanthlak a tih thu a sawi a ni.

MP chuan nikum October ni 1 atanga Lumding to Bairabi Megablock a \an hnuah Changsil Railhead leh Baihati Railhead, Gawahati bul a\angin buhfai phurh luh hna kalpui zui tura ruahmanna kalpui a nih thu a sawi a, he ruahmannaah hian harsatna a awm a nih pawhin Bangladesh a\anga Tripura kaltlang leh Myannmar a\anga chawkluh tura ruahmanna siam tho a ni tih a sawi a, he ruahmanna erawh hi chu rampawn thil a nih avanga sumsen a tam dawn avangin harsatna lian tham avanga dinhmun derthawn thilah chauh hman a nih tur thu a sawi a, thil chhe ber thleng pawh nise sawrkar laipui chuan mipui chawnghei a phal dawn lova, kawng a dap zel dawn tho a ni tih a sawi bawk.

Pu Ronald Sapa Tlau chuan Ramrikawn FCI Godown chu hmun danga siam tura ruahmanna kalpui mek a nih thu a sawi a, FCI ten ram an hmuh mai loh avangin ram hawh hmanga Private Entrepreneur Gurantee (PEG) Scheme hmanga kalpui tura hmalak mek a ni a ti a, hei hi \ha zawka tichiang turin Aizawl DC te nen MT 10,000 dah theihna tur godown sakna endik mek a ni tih a sawi.

Pu Ronald Sapa chuan buhfai \ha hmuh a nih theih nan Quality Control uluk taka kalpui a nih thu leh a vawn \hat dan pawh uluk taka enfiah \hin tum a ni tih a sawi bawk a, mipui buhfai mamamwh chawkluh kawngah FCI leh Mizoram sawrkar theihtawpa inpeizawn an tum a ni a ti.

Pu Ronald Sapa \awiawmtu Supply Department Secretary Pu R.Lalvena chuan buhfai dahkhawlna godown te chu thawm\hat tum mek a ni tih a sawi a, zawhna chhangin buhfai man sân tum a nih chhan chu kum 10 chuang rate ngai hman a nih tawh avangin sawrkar sum sen titlem tura tihto a nih thu leh he hmalakna avang hian thlatin cheng Vaibelchhe 4 vel zel sum sen a tlem phah beisei a nih thu a sawi a ni.

Thuthar lakhawmtute kawmnaah hian FCI Regional Gen. manager Pu Bidol Tayeng, member Secy, State level Consultative Commitee on FCI ni bawk leh FCI hotu dang te an tel a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram