Gauhati High Court Judge atan Pu Michael Zothankhuma, Aizawl Chaltlang chu nimin khan rinawmna thu tiamtira lakluh a ni a, Mizoram a\anga High Court Judge pahnihna a ni a, a hmaah hian Pu T.Vaiphei chu High Court Judge alo ni tawh a ni.
Pu Michael Zothankhuma hi Gauhati High Court Chief Justice, Justice Shreedhar Rao-a’n nimin chawhnu dar 2 khan Judge atan rinawmna thu a tiamtir a, hemi hnu hian Gauhati High Court-ah Bench hran neiin Judge a ni ta a ni.
Mizoram Chief Secretary hlui, Pu P. Rohmingthanga fapa, Pu Michael Zothankhuma hian Delhi University a\angin BA leh LLB a zo a, Delhi High Court leh Supreme Court-ah ukil hna a thawk tawh a, hemi hnu hian Gauhati High Court leh Aizawl District Court-ah ukil hna thawk lehin kum 20 chuang ukil a ni tawh a ni.
Mizoram Bar Association chuan, MBA President hlui leh Exective member ni lai Senior Advocate, Michael Zothankhuma Gauhati High Court Judge ni tura lak a ni chu thinlung taka an lawmpui thu an sawi a, Mizo hnathlak zinga Judge pahnihna ni tura lak a ni chu chhuanawm an tih thu sawiin, Mizo hnam tana thil chhinchhiah thlak tak nia an ngaih thu an sawi.