Kolasib Excise & Narcotics Dept, CID Special Branch leh Kolasib Police te chuan nizan hmasa khan Rengte-kawn-ah Joint Operation neiin Sapzu um thahnem tak leh a phurhna Motor leh Driver leh Handyman te an man a, Zuzuar 2 an man bawk
Excise, CID leh SP Kolasib te hian Rengte kawnah hian Truck a an zuphurh sapzu um puitling 768 an man a, heng zu te hi Bawnghnute Pack karah dah in an thukru a, Zu thurukna atana an hman Bawnghnute chi hrang hrang pawh an man sak nghal a. Motor khalhtu Driver 2, Manak leh H Laskar bakah Handyman Sahid Ali, Silchar lam mi vek te pawh an man nghal a, MLPC Act 2014 a thubuai siam sak an ni.
Excise & Narcotics Dept te hian nizan hmasa khan MLPC Act 2014 hmangn Dan lova zu zuar, Laltan-puia (47), Kolasib Silchar Road, chu a zu zawrh Rakzu Ltr 26 nen an man a, ani bakah hian PC Lalrualchhana (31) Diakkawn Kolasib chu Rakzu a zawrh lai 100 ml nen an man bawk. MLPC Act 2014 hnuaiah hian Dan lova zu zuar leh kawl te hi atlem berah thla 6 lungin tan leh `5000/- chaw i tir a hrem theih an ni.