“A hnu leha sawrkarna siam tur tan leiba nasa tak rokhawm tur congress sawrkarin a chhekkhawl a, sum bur ruah dan Mizo mipui leh Delhi-in nakin lawkah an hrechiang dawn,” tiin MNF President, Pu Zoramthanga’n a sawi.
He thu hi nimina MNF Office, Mizo Hnam Run hawnnaah a sawi a, Pu Zoramthanga chuan Pathianin naktuk atan sawrkarna kan kutah dah dawn ta se, kum khat dang la sawrkar tir rih rawh tunah chuan sawrkarna kan keng ngam rih lo ka ti ang, a ti a, Sawrkar leiba rapthlak zia leh dinhmun harsat dan hi Mizo mipui leh central sawrkar khuan a la hrechiang tawk lo, a ti. Hetiang rochun tur ringawt chuan kan zuam rih lo a, châk vang ringawta Chief Minister \hutthleng luah ngam a ni lo, kum 1998 khan an sum bawm ruak kan rochun tawh a. Kan \awng\aina Pathianin a chhang a, ‘Peace Bonus’ hming phuahin core 182 min pe a. Kan sum harsatna kan siamrem chho thei hram a ni.
Finance Minister-in sawrkar hnathawkte a thlamuanna chu December thla hlawh kan pe ang, tih a ni a. Kan pe ang tih ngai lo vin, sawrkar hnathawk te’n an chanvo pangngai an chang mai tur a ni zawk a, an hlawh pek tam tak pawh, Contractor-te PMGSY bill hren sak hmangin an pawt kual mai mai, a ti.
An tawktarh lian ber leh mipui an hnehna pakhat chu NLUP a ni a, nimahsela, Sazuk kimawi tak pakhat; a inchhuanna ber a kihreu hnawk kara a tan hlumpui ang, a ni. An hman dan leh an sem dan centralin a rawn hriat chian hunah phei chuan scam lian tak a tling lo vang tih a sawi theih loh. Lengpui khua ringawtah pawh NLUP Beneficiaries zingah record-a awm, a taka sum dawng lo chhungkaw 60 chuang an awm, a ti bawk.
Heng zawng zawng han thlir hian engkim mai an tluan loh pui a, an hun a herliam mek a ni. Kum 2018-a sorkarna siam turin mipuiin MNF lam an hawi thuap a, chutih rual chuan kum 2018 pawh min thlenpui pha dawn em ni, tih hi mi tam tak ngaihtuahnaah a ni, a ti bawk.