Nikum kumhlui thlah zan a\anga chin hriatloha bo Aizawl Zarkawt tlangval Lalnunmawia Zadeng (Mawitea) chu nimin chawhnu dar 3:30 vel khan Falkland huamchhungah thia hmuh a ni.
Thulakna tarlan danin, a ruang an hmuhna bul velah hian in 2/3 a awm a, a bak chu midang cheng pawh an tam lova, nimin khan nu pakhat vawkchaw zawngin a hmu a, a ruang hi a chhe tawh hle a, a ruang hi a chhungten an fiah hnuah Mawitea a ni tih hriat a ni a, nizan dar 6 vel khan Police kutah hlan a ni.
Bo zawn hna hi Zarkawt YMA branch hruaitute leh Central YMA hruaitu te chuan kaihhruai-in veng hrang hranga branch YMA hmalaknain an veng chhung \heuhah an zawng a, Tuirial a AMC bawlhlawh paihna hmuna a wallet chhar leh amah ni thei awm tak Armed veng South pa in Chite-a a hmuh te, Falkland venga miin amah ni awm tak a hmu tihte a sawi a nih hnuah nimin khan a ruang hi hmuh a ni ta a ni.
Lalnunmawia Zadeng hi Pu Lalsavunga Zadeng fapa, Zarkawt Babutlanga cheng a ni a, kum hlui December ni 31 zan dar 10-a an In a\anga a leng chhuak chu chin hriat lohin a bo a, ni 31 zan hian a chhungten biak an tumin phone la lo mahse, sms an thawn chu a chhanna an hmu zauh zauh a, ni 1 nileng khan biak pawh theih lohin a awm a, ni 1 zan dar 10 velah a phone chu vawi 2 vel a ring leh a, hemi hnu hian a phone hi tihtawp a ni ta a ni. Ni 1 zana a phone a nun lai hian Zemabawk-a mobile phone tower signal a man niin police-te chuan an sawi a ni.