MNF Party-in kawng zawh

MNF party huaihawtin nimin khan Mizoram hmun hrang hrangah ‘Mipui Thlavang Hauhna Kawngzawh’ an nei a, Aizawlah chuan Chanmari Kawn aṭanga Vana Pa Hall kawt thleng in kawng an zawh.

‘Mipui Thlavang Hauhna Kawngzawh’ neiha MNF Party hotu hrang hrang thusawitu te chuan Mizoram hian chhanchhuaktu a mamawh hle tawh a ni an ti a. Hetiang renga ram hi a enkawl tuten an enkawl chhoh zel chuan thim chhah tak hmachhawnin chhan tlak loh khawpin a chhia ang tih an hlauh thu te an sawi bawk a ni.

Serchhip-ah chuan AOC kawn aṭangin Serchhip Bazar thleng kawngzawh a ni a, chawhma dar 11 khan Serchhip AOC kawnah innghah khawm a, MNF hruaitute chuan an tum ber chu Mizoram sawrkar hmalak tawh dan ṭha lo te siamṭhat a nih theiih nan leh mipui te dinhmun ṭha zawka an din leh theihna tur atana ruahmanna an siam theihna tura nawr a ni an ti a ni.

Kawngzawh naah hian Tuikum bialtu MLA Pu Lalrinawma chuan Mizoram sawrkar chu Ration Card leh thil diklo dang chingfel hmasa lova thil man uchuak taka a tipungah puhin a dem thu a sawi a, Mizoram mipui aiin Ration Card a tam zawk thu uar taka sawiin, thil diklo te chingfel hmasain mipui zawh tawk angin kal se a duh thu a sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram