Mualcheng SU-in N.Vanlaiphai Police dem

Mualcheng Students’ Union (MSU) chuan Mualcheng khaw chhunga thil sual tihna hrang hrang thleng chungchangah report a ni chunga an bialtu N.Vanlaiphai Police Station-a thawkten an ngaihthahna chu khawtlang mipui hmuhsitna leh ram dân zahlohnaa an ngaih thu thuchhuah siamin an sawi.Nimina Mualcheng SU-ten thuchhuah an siamah chuan Krismas leh Kumthar inkarah khan Mualcheng High School Office rawk a ni a, rawk a ni tih hriat a nih January 13, 2015-ah Police Station-ah FIR thehluh a ni a, hemi ni vek hian mimal in rawk a ni bawk a, khawtlang mipuiin a rawktu umzuiin an man a, misual laksak tura Police an ngenna chu Police lamin an kal theilo an tih vangin zankhuain YMA-in tlaivarin an vêng a, a tuk ni 14 January, 2015 tlai lamah an la chauh niin an sawi a, he misual an man Zothanthuama, Then-zawl hian High School Office leh mimal in rawk te hi ama tih ngei a ni tih pawh a puang thlap niin an sawi a, chuti chungin custody a\angin a tlanchhuak a, tun thlenga zawn leh zawn hmuh a nih thâwm an la hre lo chu pawi an tih thu leh a rang thei ang bera man sak leh turin an ngen a ni.

Heng bakah hian naupang kumtlinglo pawngsual chungchangah pawngsualtua puh man a ni chung pawha an kal theihloh thu hrilh hriat an ni te, District SP meuh nawr kal ngai a an awm chu an duty an ngaihthahna lian takah an ngai tih an sawi a, hetianga mahni duty ngaihthah Police te hi ram leh hnam him nan chuan a tlaklohah an ngai tih Mualcheng SU te chuan an thuchhuahah an tarlang.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram