Nikum chhungin Aizawl Civil Hospital-ah mitthi 914 awm

Kum 2014 January-December chhung khan Aizawl Civil Hospital-ah nau piang 4810 an awm a, mipa 2,515 leh hmeichhia 2,295 an ni. Damlo admit zawng zawng zat chu 15,785 an ni a, heng zingah hian mi 14,891 chu in lama hawtir (discharged) an ni. Hemi hun chhung hian mitthi 914 an awm bawk.Kum 2014 January-November thla chhung khan Aizawl Civil Hospital-a zaipui tawk mi 7,097 an ni a, zai tenau tawk mi 11,382 an awm. Phai lam emaw Damdawi in danga refered mi 2,296 an awm a. November thla thleng khan Out Patient Department-ah mi 3,61,591 inentir an awm bawk.
Hetihlai hian, OPD Card hlui ken leh nachang hrelo an tam \hin chu an harsatna tawh pakhat a ni tih Civil Hospital hotute chuan an sawi a, Damdawi in pantuten lungawilohna emaw rawtna an neiha lehkha thehluhna tur Complaint Box hmun rukah an dahah nikum chhung khan lehkha 40 a lut tih Civil Hospital hotute chuan an sawi a ni.
Zawhna chhangin Civil Hospital hotute chuan ‘tuiherhna’ (tap), bulb, thawmhnaw, mobile, pawisa leh bag a bo zeuh zeuh \hin a. Damlo leh anmahni awmpuitu te chu rukru lakah te fimkhur turin an ngen a. OPD-a naupang hruaiten an fate hnenah an bag an dah thin a, chu chu rukru te hian remchangah hmangin thil leiturin an tir a, an bag lo kensak tur anga insawiin an ruksak \hin a. A tlangpuiin rukru te hi hmeichhia an ni tih an sawi.
Civil Hospital hotute chuan damlote leh anmahni awmpuitu, Damdawi In pantu te chu Damdawi In leh a chhehvel chu vawnfai pui turin an ngen a. Damdawi in pantu zawng zawngte Damdawi In hungchhungah lirthei kenluh tum lo tura ngenin kum tharah hian mitinte, thisen pek uar turin an ngen bawk.
Tunah hian Aizawl Civil Hospital-ah hian thawktu 700 vel an awm mek a, khum 282 a awm bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram