PWD Minister Pu Lal Thanzara chuan PMGSY-ah hna a \hat tawk loh thu sawiin, “Kawng thar han siam tura sum hmuh hi a harsa tak meuh meuh a, kan sum hmuh \hatna ber PMGSY-ah lah kan achievement a \hat tawk loh avangin Sanction thar neih a harsa tan hle a ni,” tiin a sawi.He thu hi nimina a hoa PMGSY kawng laih contract thawktute leh PWD hnathawkte inhmukhawmnaa a sawi a, he inhmuhkhawmnaah hian chak zawka PMGSY hna kalpui a nih dan tur an rel a ni a, he hunah hian PWD Minister chuan Ministry hian kan hna thar tur Sanction an hreh em em tawh mai a, kan hna neih mek te kan thawh chak tawk loh avangin hna nei \un chunga hna thar beisei angin kan lang lo thei lova. Chumi awmzia chu kan hnathawh chak tawk lo hian kan Executing Capacity pawh min pawt hniam hle tih kan hriat ka duh a ni. Chuvangin vawiin ni a lokal zawng zawng te leh PWD hnuaia thawktu a te ber atanga a lian ber thlengin tun aia nasa lehzuala tan kan lak a ngai a ni,” a ti.
PWD Minister chuan India rama State kilkhawr ber te zing ami kan nih vang te, State naupang te kan nih avang te leh kum 20 chhung zet rambuai kan nih avangte hian Mizoram ah hian kawngpui kan nei chau hle mai a. Tuna record kan neih ah chuan Mizoram ah hian kawng km. 7548.00 a thui kan nei mek a, kan ram zau zawng atanga chhut in kan kawngpui neih te hi Sq.Km za(100) zelah kawng km 35.80 a sei nei ang a ni. Hei hi National average 129 km/100 sq.km nena khaikhin chuan la beitham tak a nih avangin kawng siam lamah hian nasa leh zuala tan kan lak a ngai hle a ni. Kan kawng neih zingah Mizoram PWD kawng bik chu km 5870.00 a thui a ni a, a bak zawng chu BRO leh Department dang enkawl a ni, a ti a. Kawng tha neih ah hmasawnna a innghat a, kawng tha hi rohlu a nih avangin PWD leh Contractor –te mawhphurhna a sang hle a ni a ti.
PWD Minister chuan “National Highway te, State Highway, Major District Road, Other District Road, City Road, Roads within Towns and Villages leh PMGSY kawng te kan enkawl mek a. National highway te hi chu a enkawlna tur sum a hranpa in Ministry atanga lokal a ni a. National Highway tel lo hian kan kawng thui zawng chu km 4884.00 a ni a. Hetianga thui kawng enkawl tur hian tun kum kal mek 2014-2015 chhung hian Non Plan-ah cheng nuai 3550.00 leh Plan-ah cheng nuai 184.00 a awm a. Hei hi Km khatah cheng nuai 0.76 niin, kawng \ha taka enkawl tur chuan a beitham hle a ni,” a ti bawk.
Contractor leh PWD inhmuhkhawmna programme hi PWD Principal Secretary Pu Lalram Thanga’n a kaihruai a. E-in-C Pu R.Vanlaltluanga, MiRRDA a CEO ni bawk in PMGSY nihphung leh a thil tum langsar deuh te sawi zauvin, PMGSY sum vawn dan leh enkawl chungchang Pi Lalrinthangi Chhakchhuak, Joint Director(Account), PWD in a sawi fiah a.
Pu K.Lalsawmvela, Chief Engineer, PWD,Roads pawhin thusawina hun hmangin he hunah tel Contractor-te leh official ten sawihona hun an hmang a. PMGSY enkawltu Engineer leh contractor te an tel kim hle.