Thau aiin insawizawi ngailo thi nasa zawk

University of Cambridge-a mi thiamte chuan, thau lutuk hrim hrim aiin, taksa che tlem lutuk, insawizawi ngai lote an thi nasa zawk tih an hmu chhuak a, kum 12 chhunga mi nuai 3 chuang chanchin an zir hnuah Cambridge mi thiamte chuan, thau lutuk avanga thi let 2-a tam, taksa chet tlem lutuk avangin an thi niin an sawi. Cambridge mi thiamte chuan, taksa chet tlem avanga thi hi kum tin, 6,76,000 vel an awm a, thau lutuk leh rih lutuk avanga thi chu mi 3,37,000 vel an ni, an ti a, hei vang hian ni tin, chak vak lova mit 20 vel tal, ke-a kal a that thu an sawi. Taksa chet leh insawizawi hi mi thaute chauh ni lo, mi cher zawkte pawhin an mamawh tho tih mi thiamte chuan an sawi a, mahse mi thaute hi an taksa a rih avanga an chet tlem deuh zel avangin, thau leh chet tlem hi a inkawp duh hle tih an sawi bawk.

Cambridge mi thiamte hmuh dan hi American Journal of Clinical Nutrition-ah tarlan a ni a, kum 12 chhung khan Europe-a mi 3,34,161 dinhmun an zir a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram