Home Minister Pu R.Lalzirliana’n Hmeichhe finin tuikhur ral a kai tawh a ti a, kumina VC inthlan lo awm turah pawh hmeichhe candidate \ha chhawp chhuah ngei a beisei tih a sawi.
Nimina Thingsul Tlangnuam MHIP ten In an sak thar a hawnnaah he thu hi sawiin, Mizo hmeichhia te kawng hrang hrangah mi chhuanawm tak tak leh sulsutu an pung zel a ni a ti a, hetihrual hian, Bible thu te vawn reng a, Hmeichhe lu mipa, mipa lu Krista tih a nih avangin mipa te thlazar hnuaiah hmasawn zawnga ke pen a him a ni a ti.
Home Minister chuan kum tharah hian mitin ten hringnunah hunbi awm in hlim ni lawm ni lungngaih ni leh \ah ni a awm \hin tih an hriat a, mahse Pathian ringtu tan kumkhuain a ngai reng a awm a theih loh a, chhum te zingin ruah te sur mahse Ni eng mawi tak lo lang lehin boruak thiang tak hip tur a siam leh \hin tih hriaa hun thim a lo thlen pawh a pawngpaw inngaihtuah kun reng lovin mual eng hmu phak in Pathian awmpuina hriaa nun a \ul takzert a ni a ti.
Mizoram in hma a sawn zel tih sawiin Home Minister chuan, sawrkar inrelbawlnaah pawh a \ha turah chuan huai taka kaltlangpui zel a ngai a ni a ti a, tun krismas leh kumthar vuakvetah pawh kum dang aia Aizawl leh a chhehvel ah te thil thleng \ha lo leh fello a tlem zawk a ni a ti a ni.
Central sawrkar a\anga thu lo kal bawhzui nan MP leh MLA te bial theuhva Model Village thlan turah ama bialah chuan Thingsul Tlangnuam chu thlan a nih thu sawiin Minister chuan Mizoram intodelh zel nan Agriculture a pawimawh a, Model Village entawntlak ni thei tura kut hnathawktute nen \angrual \hain inlungrual a ngai a ni a ti.