Hnam anga tannrual tulna ti

MNF Prsesident Pu Zoramthanga chuan tun hnaia hel pawl leh Mizoram police te inkahnaa nunna chan ta te chu a uizia thu sawiin,’he thihna hi Mizote hnam anga tanrual a tulna leh, inremna neih a pawimawh zia lanna a ni’ a ti.
MNF chhung inkhawm nimina Aizawl Hnam Run-a neih ah MNF Party chuan hel kuttuara nunna chan leh tunhnaia thi Brig. T. Sailo, Padma Shree Khawlkungi leh Mizoram Governor hlui P.R Kyndiah te sunna neiin Minute khat chhung zahna entirnan ngawi rengin an ding a ni.

He hunah hian MNF Presidant Pu Zoramthanga chuan thusawiin, tu hnaia hel leh Mizoram Police te inbeihna chuan Inremlo te an inrem theihnan theihtawp chhuaha hmalak a tulzia a ti lang hle nia a hriat thu a sawi a. Police thi zing ami Pu Hmangaihmawia chu ‘Mizo National Army’ lo ni tawh, ram leh hnam tana ram mu tawh a nih thu a sawi.

ZNP President Pu Lalduhoma chuan, tunlaia boruak duhawm lo tak Mizoramin a tawn mek chu politics kalsual vang a ni a ti a, hun thimin Mizoram a tuam mek a, thil pangngai lo tak takin a nangching a. Mizoram politics-ah Pathian ram a thlen theihna turin thlarau mit men a hun a ni a ti a. Tuma duh loh chanchin mak tak takin a tuammek karah hian beidawn hman a ni lova ni a ti.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram