Kumin chhungin Swine Flu vangin mi 2011 thi tawh

Kumin chhungin Swine Flu vangin mi 2,011 an thi tawh.  
Union Health Ministry chuan H1N1 hrileng vang hian nimin khan mi 17 an thih belh leh tih a sawi a, hengte nen hian kumin chhunga he natna thihpui chu mi 2011 an tling tawh tih sawiin, hrileng kai mi 33,462 an awm tawh bawk a, Gujarat chu hrileng vanga thi tamna ber niin mi 424 an thi tawh a, Rajasthan-ah mi 411 leh Maharashtra ah mi 385 an thi tawh bawk. Madhya Pradesh-ah chuan Swine Flu vang hian mi 296 an thi tawh a, Telangana-ah pawh mi 75 thiin J&K ah  mi 7, Karnataka-ah mi 82, Haryana-ah mi 50, Uttarakhand-ah 12, Punjab-ah mi 53, West Bengal-ah  24, Uttar Pradesh-ah 38 leh Delhi-ah 12 an thi a, Kerala-ah 13, Tamil Nadu-ah 16, Andhra Pradesh ah 22 leh Himachal Pradesh-ah mi 20 an thi tawh bawk.