Paris-a French Open khelh mekah Champion lai Maria Sharapova leh Grand Slam title 17 la tawhtu Roger Federer te chuan harsa lo takin Third round an lut.
Kum 28-a upa, Russian nula, Sharapova hian Second round-ah hian a hnampui world number 91 Vitalia Diatchenko chu minute 81 chhunga 6-3, 6-1-a hnehin Second round hi a paltlang a, kum 33-a upa, Federer hian Marcel Granollers chu 6-2, 7-6 (7-1), 6-3-in a hneh ve bawk a ni.
Seeded No. 1 Serena Williams pawhin set khat-na a hloh phawt hnuah Anna-Lena Friedsam chu lehthal lehin, 5-7, 6-3, 6-3-a chakin Third Round a invaw kai a, Rafa Nadal pawhin Nicolas Almagro chu 6-4, 6-3, 6-1-a hnehin 3rd Round a lut bawk a ni.
Hmeichhe lamaha hian 7th Seed Ana Ivanovic pawhin Misaki Doi chu 3-6, 6-3, 6-4-a hnehin Third Round a invaw kai a, Third Round invaw kai zingah 28-Flavia Pennetta, 8-Carla Suarez Navarro, 21-Garbine Muguruza Blan-co, 19-Elina Svitolina, 11-Angelique Kerber, 29-Alize Cornet, 13-Lucie Safarova, 26-Samantha Stosur, 20-Sabine Lisicki, 4-Petra Kvitova, 17-Sara Errani, 10-Andrea Petkovi leh 30-Irina Begu te pawh an tel a.
Hetihlai hian 3rd Seed Simona Halep erawh unseeded player Croatian Mirjana Lucic-Baroni laka 7-5, 6-1-a tlâwmin Second Round a paltlang zo ve lova, 5-Caroline Wozniacki pawh Julia Goerges lakah a tlawm a, 18-Svetlana Kuz-netsova pawh Francesca Schiavone lakah 6-7(11), 7-5, 10-8-a tlâwmin 2nd Round-ah a tla ve bawk.
Mipa lamah 4th Seed Tomas Berdych chuan Radek Stepanek chu 6-3, 6-7(7), 6-3, 6-3-a hnehin Third Round a lut a, ani bakah hian 13-Gael Mon-fils, 14-Jo-Wilfried Tsonga, 21-Pablo Cuevas, 5-Kei Nishikori, 8-Stanislas Wawrinka, 9-Marin Cilic, 23-Leonardo Mayer, 29-Nick Kyrgios leh 12-Gilles Simon ten Third Round an lut bawk a.
Seeded player zing-ah 32-Fernando Verdas-co, 28-Fabio Fognini, 24-Ernests Gulbis, 27-Bernard Tomic, 22-Philipp Kohlschreiber leh 19-Roberto Bautista ten Second Round an paltlang zo lo a ni.