Khawlum vanga thi mi 1100 an chuang tawh

Khawlum nasa tak avangin ni 10 chhungin Andra Pradesh leh Telengana-ah mi 1,100 chuang an thi tawh a, ram chhung hmun dangah pawh mi 20 vel an thi tawh bawk.
Andra Pradesh-ah hian mi 852 thi tawhin, Telengana-ah hian mi 269 an thi tawh a, thi zinga a tam ber hi kar kaltaa thi te kha niin, kar kalta khan khaw lum lam hi 45°C aia hniam lai a awm lova, Telengana-a Khammam-ah phei chuan kum 1947 hnu-a a lum ber lai tawngin khawlum lam hi 47.6°C te a kai chho a ni.

Meterological Department chuan heng state chhung hmun ṭhenkhatah hian ruah tlam a sur mai thei an ti a, Monsoon erawh a la thleng lawk dawn lo niin an sawi a, Kerela Coast-ah hian kumina a vawi khatna atan tun thla tawp hian ruah sur ve turin an beisei a ni.

Rajasthan leh Odhisa-ah pawh khawlum lam hi 45°-47°C inkar vel te a ni a, Delhi-ah pawh a lum lai berin 45°C a kai hial a, Maharashtra, Uttar Pradesh, Punjab, Madhya Pradesh leh West Bengal te pawh 45°C vela lumin a tuam bawk a ni.

Khawlum vanga mi 7 an thih tawhna, Gujarat-ah pawh khawlum hian zual lam pan zelin, ni 7 lo awm leh tur chhung hian khawlum lam hi 43-45°C vela kai chho tura rin a ni bawk a ni.