Ram pum huap hmeichhia te humhalh leh enkawlna bik programme Beti Bachao Beti Padhao chu Saiha District ah kalpui tura inpuahchah mek a ni.
India ram hmeichhia te humhalhna a bikin Hmeichhia pun chaklohna hmun a hmalakna programme Beti Bachao Beti Padhao kalpui turah ramchhung District 100 thlanchhuah zinga tel Saiha District tan hian District plan pawh siam mek a ni a, hman theih thuai beisei a ni tih thulakna chuan a tarlang.
Beti Bachao Beti Padhao programme hnuaiah hian Saiha District chhung khaw 18 ah Mobile Van hmangin Awareness campaign neih a ni tawh a, Filed Publicity Dept. te nena tangkawpin hun hman a ni tawh bawk a. DC office he programme enkawltu bik Andy Varte SDC chuan District Plan an buatsaih mek thu leh Sorkar laipui pawh hemi atan hian an inhawn hle thu sawiin District Plan hi an peih chuan hnathawhna tur tawk sum pawh a rawn pe dawn tih sawiin, Saiha District chhunga hmeichhia a bik takin naupang enkawlna leh humhalhna ah chak zawka hmalak thuai a nih tur thu a sawi.