A vawi khat nan I-League-ah Mohun Bagan an champion

Pathianni zan khan I-League 2014-15 season chu khelh zawh a ni ta a, Pathianni zana I-League Match tawp ber, Kanteerva Stadium, Bangalore-a khelhah hian champion thei ve ve, Mohun Bagan leh Bengaluru FC te inkhelin, 1-1-in an in-draw a, Mohun Bagan chuan champion tura an mamawh tawh point 1 hlawh chhuakin, a vawi khatna atan Mohun Bagan chuan I-League title an chawi ve ta.
Pathianni zana I-League match tawp berah hian Mohun Bagan tan champion tura draw ringawt a tawk laiin Bengaluru FC tan erawh chak ngei ngei a ngai thung a, Inkhel an ṭan a, chak ngei ngei mamawh Bengaluru FC tan chuan goal an thun hmasa a, John Johnson chuan First Half tawp ṭep, minute 41-naah Bengaluru tan goal a thun a, hunrei tak Bengaluru hian hma hruaiin, Mahun Bagan lamin an sut hlei thei lo, Bengaluru hi an champion tawh mai dawn emaw tih hnu-ah hun tawp hma minute 4 chiah a awm tawh tihin Mohun Bagan tan Bello Rasaq chuan Mohun Bagan si phurh a sût a, hun a tawp zui a, Mohun Bagan chu an champion ta zawk a ni.

I-League-ah hian Bharat FC chuan point hmu hniam ber mahse I-League khel tura an inlei tlin avangin an relegate lova, an aiah point hmu hniam ber dawttu Dempo SC chu I-League aṭang hian an relegate zawk a ni.

2014-15 I-League Best Player of the Season-ah Royal Wahingdoh player Jackichand Singh chu thlan a ni a, Mohun Bagan Champion puitu, Sanjoy Sen chu Best Coach a ni a, Mohun Bagan defender Bello Rasaq chu Best Defender-ah thlan a ni a, Champion team goal-keeper Debjit Majumder chu Best Goalkeeper-ah thlan a ni bawk. Midfielder goal 6 thuntu Bengaluru FC Midfielder Eugeneson Lyngdoh chu Best Midfiel-der-ah thlan a ni a, Goal 17 thuntu, East Bengal striker Ranti Martins chu Best Forward-ah a ni a, Top Scorer a ni bawk.

table

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram