New Serchhip Bazar Venga AIRTEL TOWER sawn tura hun rei tawh tak aṭanga hmalakna awm tawh chu tun thlenga Tower sawn tuma hmalakna a awmlo nia hriat a nih avangin naktuk aṭang khian he Tower khawl hi veng paho-ten off leh an tum.
Vengpa ho thuchhuahin a tarlan dan chuan nikum November thla khan Bazar Branch YMA leh AIRTEL hotu ten tower sawn chungchangah hian inremna an lo siam tawh tih an sawi a, mahse vawiin thlenga AIRTEL tower sawn tura hmalakna engmah an rawn neih loh avangin tower hi June ni 16 aṭangin off leh a ni dawn a, hma an rawn lak tak tak hma chuan ON tawh rih loh a ni ang an ti. He Airtel Tower sawn duh chhan hi mipui tana a him tawklo nia hriat a nih vang a ni a. He Tower aṭanga a kilhna tla hian a bula in pakhat chung pawh a deng pawp tawh niin thu dawnna chuan a sawi.
