Ancelotti-a’n AC Milan a pan dawn lo

Carlo Ancelotti chuan AC Milan-a kir lehna hun ṭha a neih chu a hnâwl ta.
Kum 55-a upa, Ancelotti hi kar kalta khan Real Madrid chuan an bân a, Milan Chief Executive Adriano Galliani chuan Champions League ṭum 2 chawipui tawhtu hi an club-a kir leh turin a bia a, mahse Ancelotti chuan alo hnawl a, Ancelotti chuan, “AC Milan-in min beiseinaah hian ka lawm a, min duhtu Club laka ‘aih’ tih sawi chu thil har tak a ni, mahse chawlh rih ka mamawh a ni. A ṭha ber thleng turin duhsakna ka hlan a ni,” tiin a sawi a, tun season liam ta khan Milan hi an boss Filippo Inzaghi chuan 10-na a nihpui a ni.

Chelsea boss hlui, Ancelotti chuan kum khat chawlh rih a duh thu a sawi bakah a hnungzâng nâ chu zai a duh tih a sawi a, Italy, England leh Germany aṭangin sawmna engemawzat a dawn thu a sawi bawk.

Ancelotti hian 2001-2009 chhung khan AC Milan a enkawl a, Italian league title a chawipui bakah Champions League title 2 a lakpui a, player a nih lai khan European Cup vawi 2 (1989 & 1990) a lo lakpui tawh bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram