Andhra Pradesh khawpui thar dinna tur lungphum phum

Andhra Pradesh khawpui thar dinna tur lung, Inrinni khan state Chief Minister, N.Chandrababu Naidu-a’n Guntur Dist-a Tullur bul, Amaravathi-ah a phum a, hemi puala inkhawm hi zing dar 3-ah tanin zing dar 8:49-ah Chief Minister hian lung hi a phum a ni.
Pu Naidu-a chuan khawpui thar dinna tura ram petu loneitute hnenah lawmthu sawiin Andhra Pradesh-a Telugu tawng hmang mi vbch 5-ten an state khawpui dinna tur hun tha an nei chu a lawmawm tak zet a ni, a ti. State chhung kil tinin hmasawnna an neih theih nan Amaravathi chu state khawpui atan thlan a ni tih sawiin sak tan hna hi Prime Minister Narendra Modi-a’n lung a phum ni, Vijaya Dasami-ah tan a ni ang, a ti.

He inkhawmah hian Union Minister Nirmala Sitaram, Ashok Gajapathi Raju leh YS Chowdary-a te bakah state Assembly Speaker Kodela Sivaprasad Rao-a leh state minister-te pawh an tel a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram