Chaw nghei chawlhsan rih

Sikul ṭan Hma Duh Lo Pawl Lunglei chuan Mizoram sawrkar in Sikul kai hunbi a siam danglam duhloh lantir nan leh a hma ami anga sikul kai hunbi siam danglam leh tura sawrkar nawr nana chaw an nghei chu nizan hmasa dar 7 aṭang khan an chawlhsan ta.
Sikul ṭan Hma Duh Lo Pawl te hian lungawi lohna kawng hrang hrangin an lo lantir tawh a, chawlhkar khat chhung Sikul kal tur an dang a, ni 3 chhung DEO Office kal tur dan leh Vice Chairman HPC Office kawta ni 2 chhung Sitting Demonstration an neih hnu ah ni 7  May, 2015 aṭanga MSU Regional Hqrs Office a chawnghei a nawrna an nei leh a, mahse Prime Minister hnen-ah Memorundum an thehluh tak avang leh hemi ngaichang hian an chawnghei chu an titawp lailawk ta a ni.

Sikul Tan Hma Duh Lo Pawl hruaitute sawi danin, hetia an chawnghei an tih tawp lailawk avang hian an tlawm ta tihna a nilova, an hmalakna pawh an la tawpsan dawn chuang lova, chawnghei pawh hi titawp nilovin chawlhsan lailawk mai a nih thu sawiin, sikul hrang hrang leh zirlai hrang hrangte dinhmun leh harsatna an tawh dan an zir reng dawn a, chuta ṭanga an thil hmuh chhuah hmang chuan point by point-in sawrkar chu nawr zui zel an tum tho thu sawiin, School Education Department Minister nen an inbiakna chungchanga Minister in a chhan dan chungchang-ah erawh an lungawi theih loh thu an sawi nawn leh bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram