Chhiahtlang tlangval Police Station tualah pungkhawm

Nilaini tlaia Truck Driver-in Chhiahtlang tlangval, Thang-chama a sawisak avangin Nilaini zan khan Chhiahtlang tlangval te chu Serchhip Police Station tualah an pungkhawm.
Thulakna tarlan danin Nilaini tlaia Truck Driver-in Chhiahtlang tlangval, Thang-chama a sawisak a, Police ten Thangchama sawisatu an man chu zanah Chhiahtlang tlang-val te chuan hmuh tumin Ser-chhip Police-Station ah an pungkhawm a, Police te nen innawrin buaina liantham chhuak erawh a awm lo.

Chhiahtlang tlangval, Thangchama, 38, S/o Lailiana Venghlun chuan pik up-a feh haw a lam tur chu Chhiahtlang leh Chhingchhip inkarah Hnahthiala buhfai dah tur Truck nen intawkin kawngkian tura a inher rem tur chu truck hian a su a, Truck Driver Lalthazuala, Aizawl Tuikhuah-tlanga khawsa nia insawi chuan motor aṭanga chhukin Thang-chama hi a sawisa ta mai niin thulakna chuan a tarlang a, Thangchama sawisak a nih hnu hian Truck hi Hnahthial lam pana tlan lehin Truck hi Chhiahtlang tlangval te chuan pik up hmangin an ûm a, he thu hi Serchhip Police te chuan report dawngin Truck khalhtu hi Serchhip-ah an lo man a, Serchhip Police Stationah hruai nghal niin Chhiahtlang tlangval te chuan Lalthazuala hi Serchhip Police stationah hmuh tumin Nilaini tlai dar 5 vel aṭang khan Serchhip Police Station-ah an pungkhawm a, Serchhip Police te leh Chhiah-tlang tlangval te hi an innawr deuh a, mahse buaina liantham chhuak erawh a awm lova, zan dar 9 velah Chhiahtlang tlangval te hi an ṭindarh ta a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram