Chief Minister Pu Lal Thanhawla chuan Village Council leh Local Council neih zawh takah hmeichhe seat hauh luahkhattu khati zah an awm khan hmeichhiate rilru sukthleng hmasawn tawh zia a tilang a ti.
He thu hi nimina Aizawl Mizoram State Commission for Women (MSCW) buatsaih, ‘Legal Awareness Seminar on Domestic Violence and Women in Politics’ tih a hmanpuina ah a sawi a, khami tum khan mipui rilruah chuan Politics a mipa dinhmun chu a chungnung zawka hmuin, hmeichhe seat hauh luah khat zawh ringlotu an tam hle tih a sawi a, hetihlai hian heng seat te luah tura hmeichhiate an rawn pen chhuak chu hmeichhia te hmasawn tawh zia a tilang tu ani tih a sawi a, Inthlan puiah pawh tuna hmeichhia pakhat MLA neih mek chu a aia tam zawk neia hmasawnna hmuh ngei a beisei tih a sawi ani. Chief Minister chuan Mizote zingah ngei hmeichhe tihduhdahna a la tam tih a sawi a, hmeichhe chunga hleilenna hi tih reh anih theih nan dan te pawh siam a ni a, mahse hei hi a tawk mai lo tih sawiin mipuite inzirtir tam a tul a ni a ti.
Hmeichhe chunga tharum thawhna hi India ramah kum 2010 atangin vawi 30000 chuang zet a thleng tih sawiin, humhalhna dan a awm tih hrelo te chu a tuartu tam zawk an ni a ti a. Mipa tam tak, hna thawk tha peih silo, hmeichhia te hnuaichhiah a, inti pa ve ringawt hriat tur leh hmuh tur ala tam a ni a ti a. Sawrkarin hmei-chhia ten chanvo \ha zawk an neih theihna turin tunhnaiah dan a siam a, Zoram dung leh vangah hmeichhia ten a lawm-na te an buatsaih a, lawm nachang an hria hi a lawmawm tak meuh a ni a ti a. Chief Minister chuan chhungkua hi kohhran leh sikul intanna a nih avangin hmeichhia ten an pawimawhna hriain, hmasawn tura \an an lak a ngai hle a ni a ti.
He seminarah hian Social Welfare Minister Pu PC Lalthanliana pawh a tel a ni.