Zothlifim Logo
Loading ...

Rs.1,50,305/- hu dan lova vaihlo leh a kaihhnawih zawrh chhuah man khawm chu nimin khan Mizoram State Tobacco Control Society leh Aizawl District Anti Tobbaco Squad ten Falkawna bawlhhlawh hâlralna Incinerator ah an hâlral.
Vaihlo leh a kaihhnawih man khawm te hâlral hmaa inkhawm buatsaihah, Indian Society on Tobacco and Health Mizoram Chapter President Pi Lalriliani chuan vaihlo leh a kaih-hnawih dan lova hralhchhuah leh danin a phût ang tarlan tur tarlan loh avanga man kawngah leh mipui, Vailho hman ṭhat lohna inzirtir kawng-ah hma a sawn tawh hle na-in, hmalakna tur a la tam hle tih a sawi a, hemi kawngah hian khauh zawka dân lekkawh deuh deuh a ṭul thu a sawi a ni.

Aizawl DC leh Aizawl District Anti Tobacco Squad Chairman ni bawk Dr Franklin Laltinkhuma pawhin thu sawiin, Vaihlo phalloh chi leh vaihlo leh a kaihhnawih dân lova zawrh chhuah man kawng-ah leh mipui zirtir kawngah sawr-kar hotute ṭawiawmna a ṭhat thu leh tualchhunga vaihlo kaih-hnawih siamchhuah pawh endik nasat zual a ṭul thu a a sawi.

Vaihlo halral te hi Foreign Cigarette chi hrang hrang Carton 462 leh Packet 67 bakah Gut-kha Product zingah Tiranga packet 1731, Tulsi packet 40 leh Myan-mar churut packet 14 a tel a ni.