Everton chuan an Barcelona forward Gerard Deulofeu chu a ṭumna atan an lalut leh ta a, tun ṭumah chuan a nghetin £4.3m-in an lalut a ni.
Deulofeu hian 2013-14 season khan Everton-ah hian loan-in hun a lo hmang tawh a, season liamta khan Sevilla-ah a kal leh a, sideline lamah a hun tam zawk a hmang a ni.
Kum 21 mi, Deulofeu hian Everton tan hian kum 3 daih contract a ziak a, July ni 1 khian Everton hi a zawm dawn a, Everton tana a khelh lai khan Everton boss, Roberto Martinez nen an inkungkaihna a ṭha hle a, Deulofeu chuan Martinez hian amah pawh a tuaihriam chhoh leh theih a beisei a ni.
Everton-in Deulofeu an lakluhnaa an inremnaah hian nakinah Barcelona hian an lei let leh theihna tur a tel niin hriat a ni a, Deulofeu hi tun nipui-a Everton player lakluh pahnihna niin, a hmaah hian England midfielder, Tom Cleverley chu Free Transfer-in Manchester United aṭangin an lo lalut tawh a ni.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117