Serena Williams chuan Lucie Safarova hnehin French Open title a la ta a, hei hi Grand Slam title 20 a lakna a ni ta a ni.
Final-ah hian Williams hian First Set chu awlsam takin 6-3-in a la mai a, Second Set-ah pawh 4-1-in hma a hruai hman a, mahse Safarova chuan 6-7 (2-7)-in a rawn pawtthla a, Third Set-ah erawh Williams hian awlsam taka hnehna chang lehin 6-3, 6-7(2-7), 6-2-in hnehna a chang ta a ni.
Kum 33 mi, Williams hian kuminah Grand Slam title 2 a la leh der rawh a, Grand Slam tournament zingah French Open-ah hian a che ṭha theilo ber a, tun ṭum hi French Open title vawi 3 a lakna chiah a la ni.
Serena chuan tun tournament chhung hian a damsamlo tluan zak tih a sawi a, final an khelh hma zan hian a damlo nasa hle tih a sawi a, champion a inbeiseina pawh a tawp hman titih hial tih a sawi a, Wimbledon title chu lâk leh a tum dawn tih a sawi bawk.
Williams hian Agassi Nupui Steffi Graf record siam lai chu a tluk teuh ta hle a, Steffi khan Grand Slam title 22 zet a chawi a, he record pui tak hi Serena hian a hnaih tawh hle a ni.