Zothlifim Logo
Loading ...

Higher and Technical Education hnuaia zirna sang zawk zir tur thlanna dan thar (Selection of Candidates for Higher Technical Courses) (Sixth Amendment) Rules, 2015 hmang rih lo turin Gauhati High Court chuan Mizoram sawrkar a hriattir a, hei hi Mizoram Chakma Students Union High Court-a an zualko vang a ni.
Court-in show cause notice a pek hi nimin khan sawrkar chuan a hmu tih Higher and Technical Education Secretary, Pu K.Lalnghinglova chuan a sawi a, chhang let turin an inbuatsaih nghal tih a sawi bawk.

The Mizoram (Selection of Candidates for Higher Technical Courses) Rules, 1999 hnuaia Category 1-ah medical leh engineering course zir turin Chakma 38 thlan a nih avangin Mizo Zirlai Pawl MZP chuan an lungawiloh thu an lo auchhuahpui tawh a, sawrkar chu he dan tidanglam tur hian nasa taka nawrin, sawrkar chuan State Technical Entrance Examination (STEE) a huaihawtah Category 1 hnuaia lak theih te chu siam danglam hretin, Mizoram mi dik tak lak theih turin a ti a, hei hi Chakma te chuan duh lovin hnam tenau te nêkchêpna a ni an ti a, High Court-ah an zualko zui ta a ni.