Nimin khan Mizoram Governor Lt. General Nirbhay Sharma PVSM, UYSM, AVSM, VSM (Retd) chuan Raj Bhavan-ah Mizoram Kohhran Hruaitute Committee Member te nen inkawmna an nei.
Governor chuan Mizoramin Remna leh Muanna tluantling a neih theihna chhan chu Kohhran, mipui leh ram hruaitute ṭanhona leh thawhrah a ni, tiin Mizoram chu state dangte tan hemi kawnga entawn tlak a ni chu lawmawm a tih thu a sawi a, Kohhan Hruaitute chu amah thurawn pe ṭhin turin leh mipuite chu a ṭha zawnga an rilru hruai chhunzawm zel thin turin a chah a, Mizorama khawtlang nun siamthat nana theihtawp chhuah zel turin a ngen bawk a ni.
Governor hmuhna ah hian MKHC Vice President Pu VL Bela’n a ho a ni.